കുറ്റ്യാട്ടൂർ വാർത്തകൾ

കണ്ണൂർ> കണ്ണൂരിൽ വൻ കഞ്ചാവ് വേട്ട. ഓപ്പറേഷൻ തണ്ടറിൻ്റെ ഭാഗമായി എക്സൈസ് പുതിയതെരു ഭാഗത്ത് നടത്തിയ പരിശോധനയിൽ അഞ്ചര കിലോ കഞ്ചാവ് പിടികൂടി. ബിഹാർ ബജ്പൂരി സ്വദേശി സന്ദീപ് കുമാർ സിംഗാണ് പിടിയിലായത്. എക്സൈസ് റെയ്ഞ്ച് ഇൻസ്പെക്ടർ അക്ഷയ് പരിശോധനയ്ക്ക് നേതൃത്വം നൽകി. എക്സൈസ് കമ്മീഷണറുടെ സ്പെഷ്യൽ സ്ക്വാഡ് നൽകിയ രഹസ്യ വിവരത്തിന്റെയും എ ടി എസിൻ്റെ സഹായത്തോടെയാണ് റെയ്ഡ് നടത്തിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. ഇതരസംസ്ഥാന തൊഴിലാളിയെന്ന വ്യാജേനെ വാടക ക്വാർട്ടേഴ്‌സിൽ താമസിച്ച് വ്യാപകമായി കഞ്ചാവ് വിൽപ്പന നടത്തിയ പ്രതിയാണ് പിടിയിലായത്.